«7-20-25» baǵdarlamasy boıynsha ıpoteka qashan berile bastaıdy
«Barshamyzǵa belgili, ıpotekany odan ári damytý men tóleı alatyn halyqty qoldaý maqsatynda jańa ıpotekalyq «7-20-25» baǵdarlamasy engizilýde. Osy baǵdarlama aıasynda nesıe boıynsha paıyzdyq stavkasy jylyna 7 paıyzǵa deıin bolady, bastapqy jarnam 20 paıyzdan aspaıdy, al aı saıynǵy tólemin azaıtý úshin nesıeniń merzimi 25 jylǵa deıin uzartylatyn bolady. Ipoteka jańa qurylystaǵy úılerdi satyp alýǵa beriletin bolady. Sonymen qatar ıpotekanyń bir bóligi erterekte paıdalanýǵa berilgen páterlerdi qamtýy múmkindigi qarastyrylýda», - dep toqtaldy mınıstr.
Mınıstrliktiń málimetine qaraǵanda, mysaly, Atyraý oblysy boıynsha páter 12 mln teńge tursa, onda bastapqy tólemine (20%) 2,4 mln teńge qajet bolady. Al qalǵan 9,6 mln teńge somasy bankpen 25 jylǵa 7 paıyzǵa beriletin bolady. Otbasy úshin aı saıynǵy 68 myń teńge tólem ynǵaıly bolady.
«Bul arzan resýrstar tetigi jáne ár jumysker baǵdarlama aıasynda páter satyp ala alady. Qazaqstandyqtardyń kóbi paıdaly sharttarmen turǵyn úı satyp alýǵa múmkindike qol jetkizedi. Jalpy, qabyldanyp jatqan sharalar turǵyn úı qurylysyn damytýdy qoldaýǵa jáne halyqtyń turǵyn úıge qoljetimdiligin qamtamasyz etýge múmkindik beredi», - dep túıdi Jeńis Qasymbek.
Onyń atap ótýinshe, baǵdarlama mamyrda nemese maýsymnyń birinshi onkúndiginde qabyldanatyn bolady. Alǵashqy ıpoteka ekinshi jartyjyldyqtyń basynan berile bastaıdy.
«Úshinshi toqsanda birinshi ıpoteka beriledi dep josparlap otyrmyz. Jalpy, óńirler boıynsha parametrler aıqyndaldy. Sáıkesinshe, óńirler aıasynda qajettilikterdi de bilemiz. Ulttyq bankte barlyq qajetti aqparat jınaqtaldy. Meniń oıymsha, aldaǵy eki-úsh aıda birinshi ıpotekalyq zaımdar «7-20-25» baǵdarlamasy baǵytynda beriledi», - dep túıdi mınıstr.
