«7-20-25» baǵdarlamasy boıynsha 77,6 mlrd teńgeniń ótinishteri maquldanǵan
ALMATY. QazAqparat - Qazaqstanda «7-20-25» baǵdarlamasy boıynsha qaryz berý úshin 6,6 myńnan astam ótinish maquldandy, dep habarlaıdy QazAqparat tilshisi.
«2019 jyldyń 10 sáýirindegi jaǵdaı boıynsha «7-20-25» baǵdarlamasyn júzege asyrý aıasynda qaryz alýǵa 129,5 mlrd teńge somasynda 11 378 ótinish maquldandy. Onyń ishinde 6 665 ótinish 77,6 mlrd teńge qaryz berýge bólindi», - dep habarlady QR Ulttyq banktiń baspasóz qyzmeti.
Eske salaıyq, «7-20-25» baǵdarlamasy boıynsha baspanany turaqty tabysy bar jáne ótinish bergen ýaqytta baspanasy joq kez kelgen Qazaqstan azamaty ala alady. Baǵdarlama boıynsha syıaqy mólsherlemesi jylyna 7 % quraıdy. Ipotekalyq nesıeler boıynsha alǵashqy jarna - 20 %. Qaryz merzimi 25 jylǵa deıin beriledi.
Avtor: Danııar Daýtalıev
