«7-20-25» baǵdarlamasy boıynsha 75 jambyldyq otbasy baspana aldy
TARAZ. QazAqparat - QR Tuńǵysh Prezıdenti - Elbasynyń bes áleýmettik bastamasy aıasynda qabyldanǵan «7-20-25» ıpotekalyq baǵdarlamasynyń qalaı júzege asyrylyp jatqany jáne páterlerdi kimder alyp jatqany týraly Qazaqstan Ulttyq banki Jambyl oblystyq bólimshesinde aıtty, dep habarlaıdy QazAqparat tilshisi.
«2018 jyldyń shildesinde 31 mln teńge somasynda úsh qaryz berildi. Qazir Jambyl oblysyndaǵy seriktes bankteri 1,19 mlrd teńge somaǵa 149 ótinish qabyldady. Olardyń arasynda 611,4 mln teńgege 75 ótinish maquldanyp, 536,5 mln teńge somasynda 64 nesıe berildi», - dedi Qazaqstan Ulttyq banki Jambyl oblystyq bólimshesiniń dırektory Evgenıı Sharygın.
Evgenıı Sharygın nesıe alǵan tulǵalardyń qaı áleýmettik sanatqa kiretini týraly suraqqa túrli sanattaǵy adamdar dep jaýap berdi.
«13 qaryzdy bilim berý jumyskerleri, úsheýin - áskerı, ekeýi - memlekettik qyzmetshiler, segizin medıtsına salasynyń qyzmetkerleri, ekeýin sportshylar aldy. Taǵy bir qaryzdy aýyl sharýashylyǵy jumyskerleri, poshta qyzmetkeri, jeteýin - ekinshi deńgeıli bank qyzmetkerleri, 12-in jeke uıymdar alǵan. Qaryz alýshylar arasynda bir jeke kásipker jáne 13 quqyq qorǵaý organynyń qyzmetkeri, bir HQO jumyskeri boldy», - dedi ol.
Evgenıı Sharygın óńirde jeti banktiń osy baǵdarlama boıynsha qaryz beretinin atap ótti.
«Tsentrkredıt banki, ATF Bank, Halyq banki, Tsesna Bank, Eýrazııa Banki, Sberbank jáne Forte Bank bólimsheleri qaryz beredi. Bulardyń arasynda Tsentrkredıt banki kósh bastap tur. Tarazda «7-20-25» baǵdarlamasy boıynsha aqparattyq ortalyq ashyldy. Ol jerden baǵdarlama aıasynda baspana alý boıynsha seriktes bankterden keńes alýǵa bolady», - dep túsindirdi Qazaqstan Ulttyq banki Jambyl oblystyq bólimshesiniń dırektory Evgenıı Sharygın.
