«7-20-25» baǵdarlamasy boıynsha 74 myńnan astam ótinim qabyldandy

ALMATY. QazAqparat – Qazaqstanda «7-20-25» baǵdarlamasy boıynsha nesıe alýǵa 74 824 ótinim qabyldandy, dep habarlaıdy QazAqparat QR Ulttyq bankiniń baspasóz qyzmetine silteme jasap.

«7-20-25» baǵdarlamasyn iske asyrý sheńberinde 2021 jylǵy 28 qazandaǵy jaǵdaı boıynsha nesıe alýǵa 929,7 mlrd teńge somasyna 74 824 ótinim qabyldandy. Nátıjesinde 532,1 mlrd teńgege qaryz berýge 42 927 ótinim maquldandy»,- delingen habarlamada.

Eske salaıyq, atalmysh baǵdarlama boıynsha turǵyn úıdi turaqty kirisi bar jáne ótinish berý kezinde jeke baspanasy joq Qazaqstan azamaty ǵana ala alady. Baǵdarlama boıynsha syıaqy mólsheri jylyna - 7%. Ipotekalyq nesıe boıynsha bastapqy jarna - 20% bastap. Nesıe merzimi - 25 jyl.

Buǵan deıin Ulttyq bank «7-20-25» qashan aıaqtalatynyn aıtqan bolatyn.