«7-20-25» baǵdarlamasy boıynsha 50 myńǵa jýyq qazaqstandyqqa nesıe berilgen

NUR-SULTAN. QazAqparat – «7-20-25» baǵdarlamasy boıynsha 48 906 nesıe berildi. Bul týraly QR Ulttyq banki málimdedi, dep habarlaıdy QazAqparat tilshisi.

«2022 jylǵy 28 shildedegi jaǵdaı boıynsha «7-20-25» baǵdarlamasyn iske asyrý aıasynda jalpy sommasy 630 mlrd teńge bolatyn 48 906 qaryz berildi. Máselen, Nur-Sultan qalasy boıynsha 17 052 ótinim túsip, olarǵa 257,9 mlrd teńge nesıe usynyldy. Al, almatylyqtardan túsken ótinim sany - 10 040. Osyǵan saı, olarǵa 146 mlrd qaryz berildi. Taǵy 3 220 ótinim Shymkent qalasynan tústi. Oǵan 38,4 mlrd teńge nesıe baǵyttaldy», - delingen banktiń habarlamasynda.

Sonymen qatar, Ulttyq bank bıylǵy maýsym aıynda zeınetaqy jınaǵy 4,8 paıyzǵa artqanyn málimdedi.

Buǵan qosa, bank jyl basynan beri qoldan jasalǵan 133 banknot pen 3 monetany anyqtaǵan.