16:01, 04 Qyrkúıek 2020 | GMT +6
«7-20-25» baǵdarlamasy boıynsha 38 myńnan asa ótinim qabyldandy
NUR-SULTAN. QazAqparat - «7-20-25» baǵdarlamasyn iske asyrý sheńberinde 2020 jylǵy 3 qyrkúıektegi jaǵdaı boıynsha qaryz alýǵa 444,7 mlrd teńge somasyna 38 301 ótinim qabyldandy. Nátıjesinde 257,7 mlrd teńge somasyna qaryz berýge 22 046 ótinim maquldandy. Bul týraly QazAqparat tilshisi Ulttyq banktiń baspasóz qyzmetine silteme jasap habarlaıdy.
«7-20-25» baǵdarlamasy boıynsha suraqtaryńyz bolsa, «Qazaqstan ornyqtylyq qory» AQ-na + 7 (727) 227-20-25 nómiri boıynsha táýlik boıy habarlasýyńyzdy suraımyz.
Sonymen qatar ıpotekalyq uıymnyń resmı ınternet-resýrsynda siltemesi boıynsha qosymsha aqparatpen tanysa alasyz.
