«7-20-25» baǵdarlamasy aıasynda bankter 200 mlrd teńge alady - Ulttyq bank

ASTANA. QazAqparat - Jyl basynan beri Qazaqstan bankteri 30 paıyzǵa jýyq deńgeıde nesıe berýdi ulǵaıtty. Senattyń Qarjy jáne bıýdjet komıtetiniń keńeıtilgen otyrysynda QR Ulttyq bank tóraǵasynyń orynbasary Alpysbaı Ahmetov málim etti, dep habarlaıdy QazAqparat.

«Qańtar-sáýirde jańa nesıelerdi berý ótken jyldyń sáıkes kezeńine qaraǵanda 27 paıyzǵa nemese 814 mlrd teńgege artty. Nátıjesinde, banktiń nesıelik portfeli jyldyq mánde sáýirdiń qorytyndysy boıynsha 12,1 paıyzǵa ósti», - dedi Ahmetov.

Onyń atap ótýinshe, uzaq merzimdi nesıeleýdi qamtamasyz etý úshin Ulttyq bank birqatar bastamalardy iske asyryp jatyr. Osy oraıda zańnamalyq deńgeıde bankterdiń qor jınaý merzimin uzartatyn tetikterdi engizý kózdelip otyr.

Sonymen qatar Alpysbaı Ahmetov taıaý arada bankter «7-20-25» baǵdarlamasy aıasynda 200 mlrd tenge alatynyn atap ótti. Bolashaqta ol soma 1 trln teńgege jetedi. Bul óz kezeginde bankterdiń aǵymdaǵy ıpotekalyq portfel kólemin 2 trln teńgege deıin eseleýge múmkindik beredi.

Budan buryn habarlanǵandaı, jaqynda ótken eseptik kezdesýde Investıtsııalar jáne damý mınıstri Jeńis Qasymbek eki-úsh aıda «7-20-25» baǵdarlamasy boıynsha birinshi ıpotekalyq zaımdar beriletinin aıtqan bolatyn.