«7-20-25» baǵdarlamasy: Aqtóbede 39 ótinim maquldandy
AQTÓBE. QazAqparat - Aqtóbe oblysynda «7-20-25» baǵdarlamasy boıynsha ótinimder qabyldanyp jatyr. Qazigi kezde 15 adam qujatyn rásimdedi, dep habarlaıdy QazAqparat tilshisi.
Aqtóbede «7-20-25» baǵdarlamasy boıynsha turǵyn úı satyp alý úshin 320 mıllıon teńgege 39 ótinim maquldandy. Barlyǵy 15 adam qujattaryn rásimdep aldy. Oblys ákiminiń orynbasary Serik Tólenbergenovtyń aıtýynsha, bul baǵyttaǵy jumys jalǵasady.
«Baǵdarlama boıynsha tek jańa turǵyn úıdi satyp alýǵa bolady. Sondyqtan jyl saıyn turǵyn úıdi paıdalanýǵa berý kólemin kem degende 8-10 paıyzǵa arttyrý qajet. Bizde jańa turǵyn úıdiń sharshy metri - orta eseppen 120-150 myń teńge. Turǵyn úı baǵasy qoljetimdi bolǵandyqtan, bizdiń aımaqta «7-20-25» baǵdarlamasyn júzege asyrý áleýeti óte úlken»,- dedi S.Tólenbergenov.
Aıta keteıik, bıyl oblys kóleminde barlyǵy 870 myń sharshy metrdi quraıtyn turǵyn úı paıdalanýǵa beriledi. Shamamen aımaqtyń 24 myń turǵyny jańa páterge qonystanady.
