7-20-25 baǵdarlamasy: Aqmolada 350 mln teńgeniń ótinimi maquldandy
Aqmola oblystyq qurylys basqarmasynyń məlimeti boıynsha, óńirde «7-20-25» baǵdarlamasyna ótinimderdi qabyldaý jumystary qarqyndy júrgizilýde.
«Óńirde «7-20-25» baǵdarlamasy arqyly turǵyn úı satyp alý úshin 350,9 mıllıon teńgege 42 ótinim maquldanǵan. Barlyǵy 14 adam qujattaryn rəsimdedi. Turǵyn úı baǵasy qoljetimdi bolǵandyqtan, óńirde «7-20-25» baǵdarlamasyn júzege asyrýdyń əleýeti zor», - dep kórsetiletin habarlamada.
Aıta keteıik, bıylǵy jyldyń jeti aıynda Aqmola oblysy boıynsha jalpy kólemi 276,3 myń sharshy metrdi quraıtyn turǵyn úı paıdalanýǵa berildi.
Onyń 12,073 myń sharshy metri nesıelik, 79,4 myń sharshy metri kommertsııalyq jəne 181,9 myń sharshy metri jekemenshik turǵyn úıler.
Jalpy, sońǵy segiz jylda «Qoljetimdi baspana», «2020 jylǵa deıin óńirlerdi damytý» turǵyn úı qurylysy baǵdarlamalary aıasynda Aqmola oblysynda memleket qarjysy jəne ınvestıtsııa esebinen 2 494,6 myń sharshy metr turǵyn úı paıdalanýǵa berilgen eken.
Bıylǵy jyly Kókshetaý, Atbasar, Şýchınsk qalalarynda, Balkashın, Astrahan selolarynda, Qosshy men Sabyndy aýyldarynda jalǵa beriletin 511 pəterlik
14 turǵyn úı salý josparlanyp otyr.
