«7-20-25» baǵdarlamasy: 5,1 mlrd teńge qaryz berildi

ALMATY. QazAqparat - "7-20-25"  memlekettik  baǵdarlamasy boıynsha 1026 ótinish maquldandy, dep habarlaıdy QazAqparat tilshisi Ulttyq bank baspasóz qyzmetine silteme jasap.

«7-20-25» baǵdarlamasyn iske asyrý sheńberinde 2018 jylǵy 20 tamyzdaǵy jaǵdaı boıynsha qaryz alýǵa 18,6 mlrd. teńge somasyna 1586 ótinish qabyldandy. Onyń ishinde 11,9 mlrd. teńge somasyna qaryz berýge 1026 ótinish maquldandy. Barlyǵy 5,1 mlrd. teńge somasyna 441 qaryz berildi", -dep məlimdedi Ulttyq banktiń baspasóz qyzmetinen.

Aıta keterligi, «7-20-25» baǵdarlamasy  Memleket basshysynyń 2018 jylǵy 5 naýryzdaǵy halyqqa arnalǵan «Prezıdenttiń bes áleýmettik bastamasy» úndeýinde aıtylǵan birinshi áleýmettik bastamany iske asyrý aıasynda ázirlendi.