«7-20-25»: Almaty oblysynda 100 myńnan astam páter beriledi

ASTANA. QazAqparat - Almaty oblysynda «7-20-25» turǵyn úı baǵdarlamasy boıynsha 100 myńnan asa páter paıdalanýǵa beriledi. Bul týraly búgin Astanada Ortalyq kommýnıkatsııalar qyzmetinde ótken baspasóz máslıhatynda oblys ákimi Amandyq Batalov málim etti, dep habarlaıdy QazAqparat tilshisi.

«7-20-25» turǵyn úı ıpotekalyq baǵdarlamasyn júzege asyrý maqsatynda oblysta 26 alap belgilendi. Onda aldaǵy jyldary jalpy aýdany 4,1 mln sharshy metrdi quraıtyn 2606 turǵyn úı turǵyzylady. Ol degenimiz 100,9 myń páter», - dedi óńir basshysy. 

Onyń aıtýynsha, baspana alýda alǵashqy jarna kólemin tómendetý úshin oblys bıýdjetinen jyl saıyn 1 mlrd teńge bólinip otyratyn bolady. Jeńildik sertıfıkattarymen aldymen ustazdar, dárigerler jáne polıtsııa qyzmetkerleri qamtylady.

«Nurly jer» memlekettik baǵdarlamasy boıynsha bıyl oblysta 706 myń sharty metrdi quraıtyn 72 turǵyn úı paıdalanýǵa berildi. Atalǵan baǵdarlama aıasynda 2025 jylǵa deıin oblys turǵyndary ortalyqtandyrylǵan aýyzsýmen 100% qamtamasyz etiledi. Odan bólek, ústimizdegi jyly «Nurly jol» baǵdarlamasy aıasynda «Batys Eýropa-Batys Qytaı» baǵytynda 304 shaqyrym jáne «Almaty-Taldyqorǵan» baǵytynda halyqaralyq talapqa saı keletin 260 shaqyrym jol salyndy. Aldaǵy ýaqytta osy baǵdarlama negizinde óńirdegi jol jaǵdaıyn 77-den 90% deıin jaqsartý múmkindigin qarastyrýdamyz. Ol úshin jyl saıyn bıýdjetten 30 mlrd teńge bólinetin bolady», - dedi ol.  

Aıta ketsek, buǵan deıin A.Batalov bıyl óńirde júgeriniń rekordtyq ónimi jınalǵanyn málim etken bolatyn.