7-20-25: Aqtóbede 202 ótinim maquldandy

AQTÓBE. QazAqparat - Aqtóbede 202 otbasy «7-20-25» baǵdarlamasymen baspanaly boldy, dep habarlaıdy QazAqparat tilshisi.

Aqtóbedegi óńirlik kommýnıkatsııalar qyzmeti «7-20-25» baǵdarlamasy aıasynda salynyp jatqan turǵyn úılermen tanystyrdy. Turǵyn úıler ekinshi deńgeıli bankter arqyly berilip jatyr. Barlyǵy 8 bank ótinishterdi qabyldaýdy jalǵastyrady.

«Bizdiń oblysta ekinshi deńgeıli bankter 3 mıllıard teńgeden asatyn 364 ótinimdi qabyldady. Onyń 202 ótinimi, ıaǵnı, quny 1,7 mıllıard teńge bolatyn turǵyn úı suranysy qanaǵattandyryldy. «Tsentr Kredıt Bank» ekinshi deńgeıli bankter arasynda nesıe berýde kósh bastap tur, olarǵa barlyq turǵyn úı nesıeleriniń 67% berildi», - dedi qala ákiminiń orynbasary Ushqyn Myńbaev.

Eske salsaq, «7-20-25» memlekettik baǵdarlamasynyń negizgi talaptary: jeke menshikte turǵyn úıdiń bolmaýy, tólem qabilettiligin rastaý, turǵyn úıdiń jalpy qunynyń 20% mólsherinde bastapqy jarnasynyń bolýy. Aqtóbede kópqabatty kommertsııalyq turǵyn úılerdiń qurylysymen 25 kompanııa aınalysady. Negizgi qurylys jumystary «Batys 2» turǵyn úı alabynda júrip jatyr. Turǵyn úıdiń 1 sh. m. quny kommertsııalyq turǵyn úılerdiń qabatyna baılanysty 140 000 - 160 000 teńge.