«7-20-25»: 7 633 qazaqstandyq baspanaly bolady
«7-20-25» baǵdarlamasyn iske asyrý sheńberinde 2019 jylǵy 10 mamyrdaǵy jaǵdaı boıynsha qaryz alýǵa 145,4 mlrd teńge somaǵa 12 830 ótinish qabyldandy. Onyń ishinde 88,3 mlrd teńge somaǵa qaryz berýge 7 633 ótinish maquldandy", - delingen QR Ulttyq bankiniń aqparatynda.
Aıta keteıik, «7-20-25» - Qazaqstan Respýblıkasynyń aýmaǵynda áreket etetin ıpotekalyq baǵdarlama. Baǵdarlama Qazaqstan Respýblıkasy Prezıdenti - Elbasy Nursultan Ábishuly Nazarbaevtyń «Prezıdenttiń bes áleýmettik bastamasy» atty halyqqa úndeýinde aıtylǵan «Árbir otbasyna baspana alýdyń jańa múmkindikterin berý» birinshi bastamasynyń mindetterin iske asyrý aıasynda ázirlendi.
Qazirgi ýaqytta «7-20-25» baǵdarlamasy nesıeni 7 paıyzdyq mólsherlememen beredi. Bastapqy jarna mólsheri turǵyn úı qunynyń 20 paıyzy mólsherinde belgilengen. Qaryzdyń óteý merzimi - 25 jyl. Qaryz alýshydan qaryzdy berý jáne qyzmet kórsetý úshin komıssııa alynbaıdy. Sondaı-aq, qaryz alýshynyń kepil múligi men ómirin saqtandyrý mindetti bolyp tabylmaǵan jaǵdaıda, saqtandyrý qajet bolsa, barlyq shyǵyndardy qaryz bergen bank ózi kóteredi.
