«7-20-25»: 5181 ótinim maquldandy

ASTANA. QazAqparat - "7-20-25" baǵdarlamasy aıasynda 5181 ótinim maquldandy. Bul týraly búgin Úkimet otyrysynda QR Ulttyq bank tóraǵasy Danııar Aqyshev aıtty, dep habarlaıdy QazAqparat tilshisi.

«7-20-25» baǵdarlamasyn 8 bank júzege asyrady. 7 aqpandaǵy jaǵdaı boıynsha bankter 61 mlrd teńgege 5 181 ótinimdi maquldady. Ulttyq bank belsendi túsindirý jumysyn júrgizýde. Baǵdarlama barysy buqaralyq aqparat quraldarynda, áleýmettik jelilerde jarııa etiledi. Sall-ortalyq táýlik boıy jumys isteıdi",- dedi D.Aqyshev.

Sonymen qatar, ol qarjy naryǵyndaǵy ahýal jaqsaryp kele jatqandyǵyn aıtty. Máselen, jyl qorytyndysy boıynsha bankterdiń aktıvteri 25,2 trln teńgege deıin 4,5 paıyzǵa ulǵaıdy.

"90 kúnnen astam merzimi ótken bereshegi bar kredıtter nesıe portfeliniń 7,4 paıyzyn qurady. Bir jyl buryn bul 9,3 paıyz boldy. Saqtandyrý uıymdarynyń aktıvteri 1 trln teńgege deıin 13 paıyzǵa ósti. Saqtandyrý rezervteri 13 paıyzǵa ulǵaıyp, 520 mlrd teńge boldy",- dedi bank basshysy.