18:28, 10 Maýsym 2020 | GMT +5
«7-20-25»: 19 myńǵa jýyq qazaqstandyq baspanaly boldy
NUR-SULTAN. QazAqparat - «7-20-25» ıpotekalyq turǵyn úı baǵdarlamasy sheńberinde el boıynsha 19 myńǵa jýyq ótinim maquldandy. Bul týraly QR Ulttyq bankinen málim etti, dep habarlaıdy QazAqparat.
«7-20-25» baǵdarlamasyn iske asyrý sheńberinde 2020 jylǵy 4 maýsymdaǵy jaǵdaı boıynsha qaryz alýǵa 366,31 mlrd teńge somasyna 32 009 ótinim qabyldandy. Nátıjesinde 216,52 mlrd teńge somasyna qaryz berýge 18 769 ótinim maquldandy», - delingen aqparatta.
Qazaqstandyqtar «7-20-25» baǵdarlamasyna qatysty «Qazaqstan ornyqtylyq qory» AQ-nyń + 7 (727) 227-20-25 nómirine táýlik boıy habarlasa alady. Sonymen qatar qosymsha aqparatpen ıpotekalyq uıymnyń resmı ınternet-resýrsynda tanysýǵa bolady.