7-20-25: 17 myńnan astam azamat baspanaly bolady

NUR-SULTAN. QazAqparat - «7-20-25» baǵdarlamasy aıasynda 199 mlrd teńgege eseptelgen 17 328 ótinim maquldandy. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«7-20-25» baǵdarlamasy boıynsha osy jylǵy 9 sáýirde 199 mlrd teńgege 17 328 ótinim maquldanyp, onyń 173,2 mlrd teńge somasyna 14 616 qaryz berildi«, - dedi Ulttyqbank tóraǵasy.

Erbolat Dosaevtyń aıtýynsha, daǵdarysqa qarsy sharalar aıasynda Ulttyq bank aıyppuldar men ósimpuldardan bosatý, negizgi borysh pen syıaqy boıynsha tólemderdiń merzimin 90 kúnge deıin uzartý arqyly baǵdarlamanyń qaryz alýshylaryn qoldaýdy kózdeıtin ózgerister engizgen.