7- 13 shilde kúnderi Mańǵystaý jáne Qaraǵandy oblystarynyń shalǵaı aýyldarynyń turǵyndary tegin medıtsınalyq kómek alady

ASTANA. QazAqparat - «Densaýlyq joly - 2015» respýblıkalyq aktsııa sheńberinde 2015 jylǵy 7 jáne 13 shilde aralyǵynda jyljymaly medıtsınalyq kesheńder Mańǵystaý oblysynyń Munaıly jáne Beıneý aýdandarynyń shalǵaı aýyldaryna baryp, turǵyndar skrınıngtik tekserýlerden ótip, áleýmettik mańyzdy aýrýlar boıynsha tegin medıtsınalyq kómek alatyn bolady.

Bul týraly QR Densaýlyq saqtaý jáne áleýmettik damý mınıstrliginiń baspasóz qyzmetinen habarlady.

13 shildede terapevterden, kardıologtardan, hırýrgterden, pedıatrlardan, gınekologtardan, oftalmologtardan, stomatologtardan jáne zerthanalyq-dıagnostıkalyq qyzmetiniń (ÝDZ, EKG, rentgen zertteýleri) mamandarynan qurylǵan jumyldyrý toptarynyń Qaraǵandy oblysynyń Aqtoǵaı aýdanyna shyǵýy uıymdastyrylytyn bolady.

Profılaktıkalyq tekserýlerdi ótkizýge jáne konsýltatıvtik-dıagnostıkalyq kómek kórsetýge Qaraǵandy, Jezqazǵan jáne Balqash qalalarynyń medıtsınalyq qyzmetkerleri tartylady.

Aqtoǵaı aýdanynan keıin 4 jyljymaly medıtsınalyq kesheń Buqar jyraý jáne Qarqaraly aýdandaryna jiberiledi.

Aýyl turǵyndaryna salaýatty ómir saltyn qalyptastyrý máseleleri, áleýmettik mańyzdy aýrýlar boıynsha oqý-aqparattyq jáne tájirıbelik kómek kórsetý maqsatynda aǵymdaǵy jylǵy 1 shilde men 31 tamyz aralyǵynda respýblıkanyń barlyq óńirinde «Densaýlyq joly - 2015» keń kólemdegi aktsııasy ótetindigin esterińizge salamyz.