+7 0, +7 6, +7 7: Qazaqstanǵa tıesili telefon kodtary belgili boldy

ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstrligi +7 kodyn Qazaqstan men Reseı qalaı bólisetinin aıqyndaıtyn qaýly jobasyn kópshilik talqylaýyna shyǵaryp otyr. 

— Qazaqstan Respýblıkasy dúnıejúzilik nómirleýdiń 7-shi aımaǵynda +7 0, +7 6, +7 7 kod aýqymdaryn paıdalanady. Al Reseı Federatsııasyna tıesili kod aýqymdary: +7 2, +7 3, +7 4, +7 5, +7 9, — dep jazylǵan qujatta.

Eske salsaq, byltyr kúzde Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Qazaqstan nege Reseımen birge +7 kodynyń aýmaǵynda qalǵanyna túsinik bergen edi. 

— Shynymen de dúnıejúzilik nómirleýdiń 7-shi aımaǵyn birlesip (Reseımen birge) paıdalanyp jatyrmyz. Alaıda osy jetilik aıasynda bizde qosymsha nómirleý bar jáne ol tek Qazaqstanǵa tıesili. Bul turǵyda «+77», «+76» bar, sondaı-aq qosymsha «+70» boıynsha kelisimge kelemiz. Bul nómirleý tek Qazaqstanǵa qatysty bolady, — degen Jaslan Mádıev.