6alash saıty oqyrmanǵa jol tartty

NUR-SULTAN. QazAqparat - Internettegi qazaq saıttarynyń qatary 6alash atty jańa saıtpen tolyqty, dep habarlaıdy QazAqparat tilshisi.

Ulttyq qundylyqtardy ulyqtaý, máıekti mádenıetimizdi dáripteý maqsatynda qurylǵan bul ınternet portaly tek Qazaqstandaǵy ǵana emes, álemniń ár elindegi qazaqtar arasynda saqtalǵan saltymyzdyń sarqytyn oqyrman nazaryna usynýǵa, bolashaq urpaq sanasynda qaıta jańǵyrtýǵa tyrysady.

«Elbasy Nursultan Nazarbaevtiń «Uly dalanyń jeti qyry» maqalasy ózin qazaqtaı degdar ulttyń urpaǵy bolǵanyn maqtanysh sezinetin ár qazaqqa zor shabyt syılady. Onyń ústine, «Uly dalanyń jeti qyryn» jalpaq jurtqa jarqyratyp kórsetýge «Saýsaq birikpeı, ıne ilikpeıdi» degendeı, barlyǵymyz atsalysýymyz kerek. Biz osy maqsatta 6alash-ty ashtyq. Saıtymyz, mádenı, rýhanı, tarıhı dúnıelerdi nasıhattaýdy kózdep otyr. Ásirese shettegi qazaqtarda saqtalǵan qundy muralardy, tamasha salt-dástúrlerimizdi atajurtqa jetkizý bizdiń negizgi nysanamyzdyń biri»-, deıdi 6alash saıtyn qurýshylardyń biri, jýrnalıst Qalıakbar Úsemhanuly.