69 jyl otasqan erli-zaıyptylar qol ustasqan kúıi ómirden ozdy
ASTANA. QazAqparat - AQSh-ta jetpis jylǵa jýyq bir shańyraq astynda turǵan erli-zaıyptylar bir aýrýhana palatasynda aralaryna 40 mınýt salyp kóz jumdy.
89 jastaǵy Tereza Vatkın 22 sáýir kúni túnde Chıkagodaǵy Highland Park aýrýhanasynda qaıtys boldy. Onyń 91 jastaǵy kúıeýi Aızek bir saǵatqa jeter-jetpes ýaqytta ómirden ozdy. Týystarynyń aıtýynsha, ájeı qaıtys bolar aldynda ekeýi qol ustasyp jatqan. Olardyń qolyn ajyratqan kezde er adamnyń aqtyq demi taýsylǵan, dep habarlady Associated Press.
Erli-zaıyptylardyń uly Leo Vatkın jýrnalısterge ákesiniń anasyn sheksiz jaqsy kórgenin, odan jyraqta eshteńe jasaǵysy kelmegenin aıtty. Tereza men Aızekti jerleý rásimi 24 sáýir kúni ótti.
