68 jastaǵy veloshabandoz halyqaralyq jarystyń chempıony atandy
KÓKShETAÝ. QazAqparat - 68 jastaǵy kókshetaýlyq ardager veloshabandoz «Trackman 2020» jarysynda el chempıony atandy, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń málimetinshe, Nur-Sultan qalasynda ardagerler men áýesqoılar arasynda «Trackman 2020» trektegi velosporttan Qazaqstan Respýblıkasynyń ashyq chempıonaty ótti.
«Jarysqa Qazaqstan, Reseı jáne Germanııadan kelgen 60-tan astam sportshy qatysty. Onyń ishinde KSRO spor sheberi, 68 jastaǵy kókshetaýlyq veloshabandoz ardager Valerıı Karagaev 1000 metr qashyqtyqta jekeleı jáne sońynan erý ádisteri boıynsha eki altyn medal ıelendi», - deıdi Aqmola oblysynyń dene shynyqtyrý jáne sport basqarmasynyń baspasóz hatshysy Mahabbat Bolshına.
