68 jastaǵy qostanaılyq egý kabınetinde kóz jumdy
QOSTANAI.QazAqparat - Qostanaıda emhanaǵa kelgen 1950 jyly týǵan qala turǵyny kóz jumdy, dep habarlaıdy QazAqparat.
Aqparatty oblystyq densaýlyq saqtaý basqarmasy basshysynyń orynbasary Abat Jaýkov rastady. Oqıǵa №2 qalalyq emhanadaǵy egý kabınetinde bolǵan.
«6 maýsym kúni 1950 jyly týǵan er adam teri aýrýlary boıynsha josparly tekserýden ótýge kelgen. Biraq, naýqastyń densaýlyǵy nasharlap, kenet júregi toqtap qalǵan. Bizdiń qyzmetkerler keshendi reanımatsııalyq sharalar júrgizgenimen, onyń ómirin saqtap qala almady», - dedi A.Jaýkov.
Oblystyq densaýlyq saqtaý basqarmasy júrgizgen qyzmettik tergeýden soń naýqastyń júrek-qan tamyrlary jáne basqa da kúrdeli aýrýlar boıynsha dıspanserlik tirkeýdi turǵany anyqtaldy.
Abat Jaýkov atap ótkendeı, naýqasqa egilgen dáriler onyń densaýlyǵyna keri áserin tıgizbegen.
