67 jastaǵy zeınetker Olımpıada quramasyna shaqyrtý aldy
ASTANA. 3 qańtar. QazAqparat - Kanadanyń Vankýver qalasynda turatyn zeınetker AQSh quramasy sapynda Olımpıadaǵa qatysýǵa shaqyrtý aldy.
TSN jýrnalısiniń aıtýyna qaraǵanda, oqıǵa bylaı órbigen. Olımpıadaǵa barýy tıis «Vankýver» hokkeı klýbynyń shabýylshysy Raıan Kesler óziniń telefon nómirin aýystyrǵan, al onyń eski nómirdi 67 jastaǵy qala turǵyny alypty. Bul týraly bilmegen jattyqtyrýshylar shtaby eski telefon nómirine SMS habarlamasyn jiberipti.
Zeınetker bolsa, óz kezeginde Sochıdaǵy Olımpıadaǵa qatysý múmkindiginen bas tartpady.
«Men 67 jastaǵy kanadalyqpyn, alaıda AQSh úshin oıynǵa qatysýǵa daıynmyn, - dep jaýap bergen zeınetker. - Menińshe, búkil Kanada buǵan qýanady».
