67 jastaǵy aqmolalyq velosporttan eki dúrkin el chempıony atandy
KÓKShETAÝ. QazAqparat - 67 jastaǵy Aqmola turǵyny Valerıı Karagaev velosporttan eki dúrkin Qazaqstan Respýblıkasynyń chempıony atandy, dep habarlaıdy QazAqparat tilshisi.
Aqmola oblystyq dene shynyqtyrý jáne sport basqarmasy baspasóz qyzmetiniń málimetinshe, Almaty oblysynyń Talǵar qalasynda QR 4-shi ashyq chempıonaty ótti.
Astananyń 20 jyldyǵyna oraı 16 jəne 65 jas aralyǵyndaǵy «Masters» sanatyndaǵy ardagerler men əýesqoılar arasynda uıymdastyrylǵan jarysqa elimizden bólek Germanııa, Reseı, Ýkraına, Ózbekstan jəne Qyrǵyzstan memleketterinen kelgen sportshylar da qatysyp, baq synady.
Saıys jeńimpazdary jekeleı jarys, toptyq jarys jəne «Krıterıým» qala kóshelerimen jarysý tərizdi úsh báseke arqyly anyqtaldy.
Onyń ishinde 67 jastaǵy aqmolalyq Valerıı Karagaev 45 shaqyrymda toptyq jarys jəne «Krıterıým» qala kóshelerimen jarysý boıynsha chempıon atansa, 8,5 shaqyrym qashyqtyqqa jekeleı jarysta úshinshi orynǵa turaqtady.
«Ər sport túrinen úlken təjirıbe alasyń. Al mynda sporttyń úsh túrinen birden synǵa tústim. Bul men úshin baǵaly təjirıbe. Velosport - jəı ǵana ermek emes, ómirimniń bir bólshegi», - dep qýanyshymen bólisti V.Karagaev.
