66 jastaǵy aqmolalyq sportshy el chempıonatynyń jeńimpazy atandy
ASTANA. QazAqparat - Aqmola oblysynyń turǵyny 66 jastaǵy Valerıı Karagaev Astanada ótken velosporttan áýesqoılar men ardagerlerdiń ІІ ashyq chempıonatynyń jeńimpazy atandy. Bul týraly Aqmola oblystyq ishki saıasat basqarmasynan habarlandy.
Jarysqa Qazaqstannyń barlyq óńirlerinen, Reseı men Qyrǵyzstannan, Egıpet pen Frantsııadan kelgen 117 áýesqoı velosıpedshiler qatysqan bolatyn. Ártúrli jas sanaty boıynsha kúsh synasqan qatysýshylar úsh qashyqtyq boıynsha jeńimpazdardy anyqtady.
Atap aıtqanda, áýesqoılar ártúrli starttaǵy jeke jarys, toptyq jarys jáne krıterıým jarysy boıynsha saıysqa túsken edi.65 jáne odan joǵary jastaǵylar tobynda Aqmola oblysynyń týmasy Valerıı Karagaev 9 jáne 20 shaqyrym qashyqtyqta eshkimge des bermeı, altyn medaldi jeńip aldy.
«Salaýatty ómir saltyn belsendi ustanatyn Valerıı Karagaev jastarǵa úlken úlgi. Ol aldaǵy ýaqytta Pavlodar qalasynda ótetin halyqaralyq velojarysqa belsendi daıyndyqqa kirisip ketti», - delingen baspasóz baıanynda. 
