66 jastaǵy semeılik polıtseılerdiń eki kóligin órtep jibergen

SEMEI. KAZINFORM — Semeı qalasynda eki avtokólikti órtegen kúdikti ýaqytsha ustaý ızolıatoryna qamaldy.

Oblystyq polıtsııa departamenti baspasóz qyzmetiniń málimetine súıensek, oqıǵa 25 qańtarda saǵat 18:10–da bolǵan. 

Buryn sottalǵan 66 jastaǵy jergilikti turǵyn mas kúıde ýchaskelik polıtsııa pýnktiniń mańyndaǵy «Chevrolet Cobalt» jáne «Changan» markaly eki avtokólikti órtep jiberdi. Bul kólikter polıtsııa qyzmetkerlerine tıesili bolǵan.

— Jedel-izdestirý sharalaryn júrgizgen tártip saqshylary kúdiktini qolǵa túsirdi. Er adam ýaqytsha ustaý ızolıatoryna qamaýǵa alyndy. Atalǵan fakti boıynsha sotqa deıingi tergeý amaldary júrgizilip jatyr, — dep habarlady vedomstvo ókilderi.

Eske salsaq, osyǵan deıin Rıdderde polıtsııaǵa birneshe ret qońyraý shalyp balaǵattaǵan er adam sottalǵany habarlanǵan.