66-shy Berlın kınofestıvali ashyldy
ASTANA. QazAqparat - Germanııa astanasyndaǵy 66-shy Berlın halyqaralyq kınofestıvali Djoel jáne Itan Koenderdiń «Tsezar jasasyn!» fılmimen ashyldy.
Ashylý saltanaty basty festıval alańynda - Berlınale Palastta Potsdamer platsta ótti. Dástúr boıynsha qyzyl jolmen qazylar alqasynyń músheleri - onyń prezıdenti Merıl Strıp, sonymen qatar akterler Alba Rorvaher, Lars Aıdınger jáne Klaıv Oýen, fotograf Brıdjıt LıaKomb, kınotanýshy Nık Djeıms jáne rejısser Malgojata Shýmovska júrip ótti.
Saltanatty júrip ótý sharasyn «Tsezar jasasyn!» fılminiń túsirý toby - aǵaıyndylar Koender, Djordj Klýnı, Djosh Brolın, Tılda Sýınton, Chennıng Teıtým aıaqtady.
Budan buryn habarlaǵanymyzdaı, Berlınale 21 aqpanǵa deıin jalǵasady. Syılyq ıegerleri, sonyń ishinde festıvaldiń basty syılyǵy - "Zolotoı medved" ıegerleriniń esimi 20 aqpanda jabylý saltanatynda belgili bolady. Ol dástúr boıynsha Berlınale bas alańynda - Berlınale Palastta ótedi.
