66 kásiporynda eńbek daýy sheshilmegen – Eraly Toǵjanov

NUR-SULTAN. QazAqparat –QR Premer-Mınıstriniń orynbasary Eraly Toǵjanov eńbek daýlaryn sheshý máselesinde Mańǵystaý oblysynyń tájirıbesin engizýdi usyndy, dep habarlaıdy QazAqparat tilshisi.

«Ahýal ortalyǵy eńbek daýy týyndaýy múmkin 469 problemaly kásiporynǵa monıtorıng júrgizdi. Búginde 66 kásiporynda eńbek daýy sheshilmegen. Ondaı kásiporyndardyń kóbi Mańǵystaý, Batys Qazasqtan jáne Atyraý oblystarynda ornalasqan», -dedi ol Eńbek jáne halyqty áleýmettik qorǵaý mınıstrliginiń keńeıtilgen alqa májilisinde.

Úkimet basshysynyń orynbasary atalǵan probleamyn arnaıy shtab arqyly sheshýge bolatynyn eske saldy.

«Mańǵystaý oblysynda osyndaı qordalanyp qalǵan máselelerdi sheshetin arnaıy shtab qurylǵan bolatyn. Sonyń jumysyna baılanysty naqty, júıeli sheshimder qabyldanǵan. Osy tájirıbeni, atap aıtsaq, shtabty qurý joldaryn, suraqtardy sheshý tásilderin ózge óńirlerge engizý kerek. Eń aldymen Qyzylorda, Qaraǵandy, Atyraý, Aqtóbe. Batys Qazaqstan oblystaryna qajet», - dedi vıtse-premer.