66,4 myń adamnyń konstıtýtsııalyq quqyqtary qorǵaldy- Bas Prokýratýra

ASTANA. QazAqparat - 2015 jyldyń 8 aıynda prokýratýra organdary eńbek jalaqylaryn ýaqtyly tóleý máseleleri boıynsha tekseris júrgizý barysynda 11 myńnan astam zańdylyqty buzý anyqtaldy, osynyń nátıjesinde memlekettik organdardyń jáne laýazymdy tulǵalardyń atyna 451 prokýrorlyq qadaǵalaý aktisi engizildi.

Qadaǵalaý aktilerin qaraý nátıjeleri boıynsha 66,4 myń adamnyń konstıtýtsııalyq quqyqtary qorǵaldy, tártiptik jaýapkershilikke 30, ákimshilik jaýapkershilikke 88 tulǵa tartyldy, jumys berýshilerden 5,1 mlrd.-tan astam teńge óndirildi, dep habarlaıdy Bas prokýratýranyń baspasóz qyzmeti.

Mysalǵa, a.j. qyrkúıekte Aqtóbe oblysynyń prokýratýrasy monıtorıng júrgizý barysynda «Avtopark» JShS-niń jalaqy boıynsha qaryzy bar ekenin anyqtady.

Aqtóbe qalasy prokýratýrasynyń tapsyrmasy boıynsha Aqtóbe oblysynyń Eńbek ınspektsııasy jónindegi basqarmasy kásiporyn qyzmetine tekseris júrgizip, sonyń nátıjesinde «Avtopark» JShS-niń 997 qyzmetkerine a.j. tamyz aıy úshin jalpy somasy 50 mln. teńge kóleminde eńbek jalaqylary tólenbegeni rastaldy.

Osy fakt boıynsha prokýratýra organdary kásiporyn dırektorynyń atyna zańdylyqtyń buzylýyn joıý týraly uıǵarym engizdi.

Prokýrorlyq qadaǵalaý aktisin oryndaý nátıjesimen osy kásiporyn qyzmetkerleriniń aldyndaǵy eńbek jalaqylary boıynsha bereshek tolyq kólemde óteldi.

Osy baǵyttaǵy óńirlik prokýratýralardyń jumysy Bas prokýratýranyń turaqty baqylaýynda tur.