65 jasynda bala týyp, 80 jastaǵy kúıeýin qýantty
ASTANA. QazAqparat - Úndistanda 65 jastaǵy áıel ekinshi balasyn ómirge ákeldi, balanyń ákesi - 80 jasta. Bul týraly Brıtanııanyń Daily Mail basylymy jazdy.
Shal qyz syılaǵan kempirine rızashylyq bildirip, artynsha sábıdi asyraýǵa qosymsha qarjy tabý kerektigi esine túsip, qamyǵyp ta úlgerdi.
Ájeı álemdegi tabıǵı jolmen deni saý balany ómirge ákelgen eń egde jastaǵy áıel atandy.
Aıta keteıik, jubaılardyń úlken uly bıyl segizge toldy.
Reprodýktsııa mamany, doktor Shabır Sıdıkıdiń aıtýynsha, mundaı jaǵdaı asa sırek kezdesedi.
«Ádette Úndistan áıelderinde menopaýza ortasha 47 jasta keledi. Biraq mynaý erekshe jaǵdaı», - deıdi dáriger.
Dárigerlerdiń aıtýynsha, sábı men anasynyń jaǵdaıy birqalypty.
