65 jastaǵy brıtandyq áıel laınerdi qýyp jetpek bolyp, úsh saǵat boıy sýda júzgen
ASTANA. QazAqparat - Ulybrıtanııalyq týrıst Sıýzan Braýn porttan attanyp ketken krýızdik laınerge júzip jetpekshi bolǵan, dep habarlaıdy The Telegraph-qa siltememen Gazeta.ru.
Oqıǵa Portýgalııada oryn alǵan.
65 jastaǵy týrıst áıel aýrýhanaǵa jetkizildi. Ol júzip ketken Marco Polo kemesinde jubaıy Maıkl bar dep oılaǵandyqtan sýǵa sekirgenin túsindirdi.
Braýnnyń túsindirýinshe, olar jubaıymen birge saıahatyn toqtatýdy sheship, elge oralý úshin áýe bıletterin satyp alǵan. Maıdeıra áýejaıynda týrıst áıel jubaıyn joǵaltyp alyp, ony laınerge oraldy dep oılaǵan.
Sýda úsh saǵattan astam ýaqyt bolǵan brıtandyq áıelge sýyq tıgen. Ony jergilikti balyqshylar qutqaryp aldy. Qazirgi kezde onymen psıhıatrlar jumys isteýde.
