65 myńnan astam qazaqstandyq ana SMS arqyly balanyń týý týraly kýáligin aldy
«Jarty jyl buryn elimizde «Balanyń týýy» qyzmetiniń belsendi formatta iske qosylǵanynyń arqasynda balanyń týýyn tirkeý, JSN men kýáligin alý, aıyppuldy rásimdeý jáne balabaqsha kezegine qoıý perzenthanada jatqan náresteniń anasyna telefonnan SMS-habarlamany jiberý arqyly qoljetimdi boldy.
Osy qyzmettiń iske qosylǵanynan keıin, onymen HQKO-na barmaı nemese eGov.kz portalyna kirmeı barlyq Qazaqstan boıynsha 65 374 ana paıdalandy,- delingen habarlamada.
«Ulttyq aqparattyq tehnologııalar» aktsıonerlik qoǵamymen ótkizilgen aqparattyq júıelerdi ıtegratsııalaý arqasynda balalardyń týýyn tirkeý jónindegi ótinishter avtomatty túrde qabyldanady. Búgin belsendi qyzmetti alý úshin eGov.kz portalyndaǵy Jeke kabınetke óz mobıldik telefon nómirińizdi JSN-ge bekitý jetkilikti, qalǵan áreketterdi júıeniń ózi júzege asyrady. Osy qyzmettiń iske qosylǵanynan keıin, onymen 121 230 ana bala týýy jóninde quttyqtaý SMS-habarlamasyn qabyldady. SMS arqyly jeke derekterdi jibergennen keıin HQKO-dan daıyn kýálikti alýǵa nemese ony úıge jiberýge tapsyrys berýge bolady», - dep túsindirdi «Ulttyq aqparattyq tehnologııalar» AQ Basqarma tóraǵasy Áset Turysov.
Náreste týylǵan sátten keıin perzenthanada Qazaqstan Respýblıkasy Densaýlyq saqtaý mınıstrliginiń elektrondyq bazasyna týý týraly fakt engiziledi. Budan keıin, eGov.kz Jeke kabınetinde mobıldik telefon nómiri JSN-ne bekitilgen ata-anaǵa avtomatty túrde quttyqtaý SMS-habarlamasy jiberiledi jáne balanyń týylýyn tirkeý jónindegi memlekettik kórsetiletin qyzmetin alý usynylady. Ata-ana SMS-habarlamasyna jaýap retinde balanyń tolyq aty-jónin jiberedi jáne daıyn týý týraly kýáilikti qaı jerden ala alatyny týraly mekenjaı kórsetilgen habarlama alady.
Sondaı-aq, SMS arqyly shot nómirin suraıdy jáne bir ýaqytta járdemaqy taǵaıyndaý úshin ótinish avtomatty túrde rásimdeledi.
Sońynda, SMS-jaýaptar jiberý kezinde balany balabaqsha kezegine rásimdelý bolyp tabylady.
2017 jylǵy 29 jeltoqsannan bastap 2018 jylǵy 31 mamyr aralyǵynda belsendi tásilimen balanyń týylýyn tirkeýge 36 826 ótinish, járdemaqy taǵaıyndaýǵa 8 208 ótinim, balany balabaqsha kezegine qoıýǵa 11 809 ótinim jiberilgen.