65 myń balaǵa 1,1 mlrd teńge qosymsha tólem taǵaıyndaldy

ASTANA. KAZINFORM – 2025 jylǵy 1 sáýirdegi jaǵdaı boıynsha 40 myń otbasyndaǵy 214,3 myń adamǵa 8,1 mlrd teńge somasyna ataýly áleýmettik kómek taǵaıyndaldy. Bıyl bul maqsattarǵa bıýdjetten 132,9 mlrd teńge qarastyrylǵan. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady. 

AÁK-niń negizgi maqsaty — aqshalaı tólem túrinde qoldaýdy júzege asyrý jáne otbasynyń eńbekke qabiletti múshelerin jumyspen qamtýǵa járdemdesýdiń belsendi sharalaryna tartý arqyly otbasyn qıyn ómirlik jaǵdaıdan shyǵarý.

AÁK mynalardy kózdeıdi:

— tabysy kedeılik sheginen aspaıtyn azamattarǵa toqsan saıyn áleýmettik kómek taǵaıyndaý;

— tabysy az otbasylardaǵy 1 jas pen 6 jas aralyǵyndaǵy ár balaǵa 1,5 AEK mólsherinde aı saıynǵy qosymsha tólem berý. 2025 jylǵy 1 sáýirde AÁK alýshylar qatarynan mektep jasyna deıingi 65 myń balaǵa 1,1 mlrd teńge somasyna qosymsha tólem taǵaıyndaldy;

— jumysqa ornalastyrý, óz isin ashýǵa nıetti otbasylarǵa granttar berý, biliktilikti arttyrý kýrstaryna jiberý (qajet bolǵan jaǵdaıda) jáne basqalar arqyly jumyspen qamtýǵa járdemdesý.

— Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha mansap ortalyǵynda, aýyl okrýginiń ákimine sondaı-aq Elektrondyq úkimet portaly (egov.kz) arqyly bere alady. 2025 jylǵy 1 qańtardan bastap Qazaqstandaǵy kedeılik shegi óńirlik medıandyq tabystyń 35% deńgeıinde, biraq óńirlik eń tómen kúnkóris deńgeıiniń 70% — nan tómen emes deńgeıde aıqyndalǵan, — delingen Eńbekmıni habarlamasynda.

Aıta ketelik «Batyr Ana», «Ana dańqy» ordenimen nagradtalǵan analar qansha járdemaqy alatyny týraly jazǵan edik.