65 mıllıon teńgeniń mys ónimderin urlaǵandar qolǵa tústi
ASTANA. Qyrkúıektiń 22-si. QazAqparat /Marlan Jıembaı/ - Elimizdegi korporatsııalardyń birinen 65 mıllıon teńgeniń mysyn urlaǵan qylmystyq top qolǵa tústi. Bul týraly búgin elordada QR Іshki ister mınıstrliginiń resmı ókili Qýanyshbek Jumanov málim etti.
«Shildeniń 27-inde polıtsııa qyzmetkerleri Jezqazǵan stansysynda jalpy salmaǵy 69,5 tonna katodtyq mys tıelgen temirjol vagonyn anyqtady. Qaraǵandy oblystyq ІІD uıymdasqan qylmyspen kúres basqarmasy qyzmetkerleriniń jedel izdestirý is-sharalary barysynda 48 jastaǵy jezqazǵandyq Almatyda ustaldy. Ol korporatsııalardyń birine tıesili, jalpy somasy 65 mıllıon teńgeni quraıtyn mys ónimderin urlaǵan toptyń basshysy bolyp shyqty», dedi resmı ókil óz sózinde.
Onyń aıtýyna qaraǵanda, odan ári júrgizilgen is-sharalar barysynda osy qylmystyq iske qatysy bar jastary 26-y men 58 aralyǵyndaǵy 5 azamat ustalǵan. Kúdiktiler - atalǵan kásiporynyń ınjenerden bastap kúzetshige deıingi qyzmetkerleri.
«Asa iri kólemdegi urlyq faktisi boıynsha qylmystyq is qozǵaldy», dedi ІІM resmı ókili.
