644 qazaqstandyq koronavırýsqa PTR-anyqtamasyz shetelden ushyp keldi
NUR-SULTAN. QazAqparat - 31 qańtar kúni Qazaqstan aýmaǵyna Germanııa, Maldıv, BAÁ, Mysyr, Túrkııa, Ýkraına, Reseı jáne Qyrǵyzstan elderinen barlyǵy 17 halyqaralyq áýe reısi ushyp keldi, dep habarlaıdy qazAqparat.
QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etkendeı, keshe elimizge shetelden 2 577 jolaýshy ushyp keldi. Onyń 1933-inde koronavırýsqa PTR-testileýdiń teris nátıjesi bar anyqtama bolǵan. Anyqtamasyz 644 jolaýshy keldi, barlyǵy da - QR azamattary.
Atap aıtqanda:
- Almaty qalasynyń áýejaıyna – 9 reıs, 1 461 jolaýshy, anyqtamamen - 1 174, anyqtamasyz - 287;
- Nur-Sultan qalasynyń áýejaıyna – 8 reıs, 1 116 jolaýshy, anyqtamamen - 759; anyqtamasyz - 357.
«Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde», - dedi mınıstrlikten.
Sondaı-aq 30 qańtar kúni anyqtamasyz ushyp kelgen Qazaqqstannyń 447 azamatynyń PTR-taldaý nátıjeleri daıyn boldy. Oǵan sáıkes, «Antalııa – Almaty» reısiniń 1 jolaýshysynan koronavırýs ınfektsııasy anyqtaldy.
