640 sheteldik Qazaqstan azamattyǵyn alady

ASTANA. QazAqparat - Búgin Aqordada QR Memlekettik hatshysy Gúlshara Ábdiqalyqovanyń tóraǵalyǵymen Qazaqstan Prezıdenti janyndaǵy Azamattyq máseleler jónindegi komıssııanyń kezekti otyrysy ótti, dep habarlaıdy QazAqparat.

"Táýelsizdik alǵan sátten bastap  Qazaqstannyń azamaty bolýǵa nıet bildirýshi adamdar sanynyń udaıy ósýi baıqalady. Osy jyldar ishinde elimizdiń halyqaralyq bedeli aıtarlyqtaı ósti. Elbasy Nursultan Nazarbaevtyń basshylyǵynyń arqasynda  etnosaralyq qatynastyń joǵary mádenıeti qalyptasty, Qazaqstannyń áleýmettik-ekonomıkalyq jáne qoǵamdyq-saıası damýyndaǵy nyq qadamdar júzege asyryldy",- dedi Memlekettik hatshy.

Gúlshara Ábdiqalyqova óz sózinde Memlekettik rámizder kúni qarsańynda elimizdiń jańa azamattaryn qarsy alýǵa erekshe qýanyshty ekenin, Otanymyzdyń ıgiligi jolynda olarǵa baqytty ómir jáne tabysty jumys tileıtinin atap ótti. Elimizdiń laıyqty azamaty bola otyryp, egemen Qazaqstannyń odan ári damýy men órkendeýine óz úlesterin qosatyndyqtaryna senim bildirdi.

Otyrysta Qazaqstan azamattyǵyna qabyldaý  jáne odan shyǵarý máseleleri qarastyryldy. Memleket basshysy tıisti Jarlyqqa qol qoıǵannan keıin jaqyn jáne alys shet elden kelgen túrli etnostyń 640 ókili qazaqstandyq atanatyn bolady.

Komıssııa otyrysynyń qorytyndysynda tıisti sheshimder men usynymdar qabyldandy.