63,5 keli salmaqta lıtsenzııalyq týrnırge baratyn boksshy sparrıng arqyly anyqtalady

ASTANA. KAZINFORM – Bokstan Qazaqstan quramasynyń bapkerler quramy Taılandta ótetin lıtsenzııalyq týrnırge 63,5 keli salmaqta baratyn boksshyny resmı túrde sparrıng arqyly anyqtaıdy. Bul týraly quramanyń bas bapkeri Myrzaǵalı Aıtjanov aıtty. 

Otandyq boksshylar jeti olımpıadalyq salmaqtyń altaýynda joldama aldy. Al 63,5 keli salmaqtyń máselesi eki irikteý týrnırinde de sheshilgen joq. Olympic.kz saıtynyń habarlaýynsha, qazirgi tańda bul salmaqta lıtsenzııalyq týrnırge qatysýǵa nıetti alty boksshy bar. 

«Mundaı týrnırdi alǵash ret ótkizgeli otyrmyz. Іrikteýge qatysatyn boksshyny osyndaı sparrıngpen tańdaımyz. Jeńiske jetken sportshy lıtsenzııalyq jarysqa qatysady», - dedi bas bapker Myrzaǵalı Aıtjanov. 

Astanada ótetin kishigirim týrnırde 6 boksshy baq synaıdy. Olardyń tizimi tómendegideı:

Ertýǵan Zeınýllınov

Muhammedsabyr Bazarbaıuly

Dýlat Bekbaýov

Tórehan Sabyrhan

Jandos Qydyrálıev

Serik Temirjanov

Taılandtaǵy sońǵy lıtsenzııalyq týrnır 8-11 sáýirde ótedi. 

Aıta keteıik, buǵan deıin «Uly Jibek joly» týrnırinde 5 boksshymyzdyń altynǵa talasatynyn jazǵan edik.