63 jastaǵy jetisýlyq velomarafonshy 1 250 shaqyrymdy baǵyndyryp, Túrkistanǵa keldi
Salaýatty ómir saltyn ustanýshy Baqytjan Bektenov Jetisý oblysy Qarabulaq aýylynan Túrkistanǵa deıin velosıpedpen 6 kún júrip kelgen.
Jalpy júrip ótken jol uzyndyǵy - 1 250 shaqyrym.
«Bul joly rýhanı shaharǵa sapar shegýimniń mán-mańyzy óte zor. Osyndaı qasıetti ólkeniń mádenıeti jáne týrızmimen jiti tanysqym keldi. Meni qarsy alyp, qurmet kórsetip jatqan jandarǵa myń alǵys. Túrkistan oblysynda buqaralyq sport jańa sıpatqa enip, elimizdiń bolashaǵy jastardy sportpen kóptep shuǵyldanýǵa shaqyramyn», – dedi Baqytjan Bektenov.
Veloshabandozdy Túrkistan oblysynyń dene shynyqtyrý jáne sport basqarmasynyń basshysy Qanat Joldyqaraev qarsy alyp, qurmet kórsetti.
Al, keıinnen velomarafonshy Túrkistan men Kentaý qalalarynyń velosport ókilderimen, jas sportshylarmen kezdesip, tájirıbesin bólisti.
