63 jastaǵy turǵyn týǵan ulyn óltirdi degen kúdikpen ustaldy
TALDYQORǴAN.QazAqparat - Almaty oblysyndaǵy Eńbekshiqazaq aýdanyna qarasty Báıdibek aýylynyń turǵyny týǵan ulyn óltirdi degen kúdikpen ustaldy. Qazir 63 jastaǵy zeınetkerdiń ústinen QR QK 99-baby («Adam óltirý») boıynsha is qozǵalyp, qamaýda otyr, dep habarlaıdy QazAqparat tilshisi.
Almaty oblystyq ІІD baspasóz qyzmetiniń málimetinshe, 11 qyrkúıek kúni jer úılerdiń biriniń janynan er adamnyń múrdesi tabylǵan. Marqumnyń arqasyna pyshaq jaraqaty salynǵan.
«Zardap shegýshi óz úıiniń janynda qaza bolǵan jáne ony aýyldasy taýyp alǵan. Qylmysqa qatysy bar degen kúdikpen qaıtys bolǵan azamattyń 63 jastaǵy ákesi ustaldy. Anyqtalǵandaı, ákesi men balasy birigip ishimdik iship, janjal týyndap, sońynda bul jaǵdaı aýyr qylmyspen aıaqtalǵan. Oqıǵa ornynan pyshaq tabylyp, aıǵaq zat retinde tergeý materıaldaryna tirkeldi» delingen atalǵan vedomstvonyń habarlamasynda.
Osy faktige oraı sotqa deıingi tergeý amaldary júrgizilýde. Kúdikti Eńbekshiqazaq aýdanynyń AІІB ýaqytsha ustaý ızolıatoryna qamaýǵa alyndy.
