63 jastaǵy 90 balanyń ákesi 18-shi ret kúıeý jigit atanbaq
ASTANA. 19 qańtar. QazAqparat - Birikken Arab Ámirliginde turatyn 63 jastaǵy eń kóp balaly áke Daad Muhammed ál-Balýshı 18-shi ret úılený týraly sheshim qabyldady, dep habarlanǵan «Rýsskıı mır» saıtynda.
Otaǵasynyń burynǵy nekelerinen 90 balasy: 60 ul jáne 30 qyz balalary bar. Sondaı-aq, ol 50 nemereniń atasy. Biraq Daad munymen de shektelmek emes. Ol ózine 100-den kem emes balanyń ákesi bolýdy maqsat tutypty.
«Jergilikti zańdarda 4-ten artyq áıel alýǵa tyıym salatyn shekteýler bolmaǵanda, baıaǵyda-aq armanyma qol jetkizer edim», - deıdi birneshe otbasynyń ıesi. Qazirgi kezde baqytty ákeniń úsh áıeli bar, onyń ekeýi bıylǵy maýsym aıynda ana atanady. Óziniń burynǵy áıelderiniń barlyǵyn Muhammed qyzmet kórsetýshileriniń bolýyna deıin qarastyrylǵan úı-jaılarmen qamtamasyz etken.
