623 oqýshy respýblıkalyq ǵylymı jobalar konkýrsynyń fınalynda baq synap jatyr
ASTANA. KAZINFORM — Qazaqstan Respýblıkasy Oqý-aǵartý mınıstrliginiń «Daryn» respýblıkalyq ǵylymı-praktıkalyq ortalyǵy jalpy bilim beretin pánder boıynsha respýblıkalyq ǵylymı jobalar konkýrsynyń jaratylystaný-matematıkalyq baǵytyndaǵy pánder boıynsha qorytyndy kezeńin bastady. Bul týraly Oqý-aǵartý mınıstrligi málim etti.
Shara qańtar aıynyń 27- sine deıin jalǵasady.
— Konkýrs 6 sektsııa boıynsha uıymdastyrylyp, qorytyndy kezeńge 463 jobamen 623 oqýshy qatysady. Baıqaýdyń basty maqsaty — oqýshylardyń ǵylymı-zertteý jáne oqý-tanymdyq qyzmetin yntalandyrý, daryndy jas zertteýshilerdi qoldaý, sol arqyly eldiń zııatkerlik áleýetin damytý, — delingen habarlamada.
Konkýrstyń qazylar alqasy jumysyna elimizdiń bedeldi joǵary oqý oryndarynyń 60-qa jýyq professor ǵalymdary shaqyryldy. Jeńimpazdar QR Oqý-aǵartý mınıstrliginiń І, ІІ, ІІІ dárejeli dıplomdarymen jáne altyn, kúmis, qola medaldarmen marapattalady.
Buǵan deıin oqýshylar respýblıkalyq ǵylymı jobalar konkýrsyna 1000- ǵa jýyq joba usynǵanyn jazǵan edik.