62 «jaıly mekteptiń» qurylysyna qaıta konkýrs jarııalandy
Ótinim skcn.qaz.network. onlaın-platformasynda elektrondy túrde qabyldanady.
Taǵy 24 mektep boıynsha baıqaý Úkimettiń №963 Qaýlysyna ózgerister engizilgennen keıin jarııalanbaq.
Buǵan deıin 185 jaıly mekteptiń qurylysyna jarııalanǵan konkýrs qorytyndysy belgili bolǵan edi.
118 nysan boıynsha merdigerler anyqtalyp, olarmen mektepterdi «daıyn kúıde» tapsyrý boıynsha 110 kelisimshart jasaldy, al qalǵan 8 shart shaǵymdaryń túsýine baılanysty toqtatyldy.
52 lot boıynsha jeńimpaz anyqtalmady, 15 lottyń kúshi joıyldy.
Ulttyq joba aıasynda 400-ge jýyq jaıly mektep salý josparlanǵan. Olardyń jartysynan astamy 2024 jyldyń sońyna deıin, qalǵany 2025 jyl bitkenshe tapsyrylady.
Osylaısha el boıynsha 800 000 astam oqýshy orny paıda bolady.
Jaıly mektepter syıymdylyǵyna baılanysty 7 túrli bolady: 300, 600, 900, 1200, 1500, 2000, 2500 oryn.
Aıta keteıik, bir mekteptiń qurylysyna jumsalatyn qarajattyń naqty somasy jobalyq-smetalyq qujattar ázirlenip, memlekettik saraptamadan ótkennen keıin belgili bolady.
Jaıly mekteptiń erekshelikteri:
- qalalar men aýyldarda salynatyn mektepter birdeı bolady;
- tehnıkalyq jaraqtandyrý úlesi 20% jetedi;
- sport zaldarynyń sany men aýdany 1,5-2 ese artady;
- mekteptiń jalpy aýdany 20% artady;
- pándik synyptar, zerthanalardyń sany kóbeıedi;
- kishi jáne joǵary býyn oqýshylary úshin jeke oqý bloktary jasalady.
Sonymen qatar, jospar boıynsha ár mektepte kirip-shyǵýdy baqylaý júıesi, sondaı-aq terrorıstik shabýyl qaýpi týyndaǵan jaǵdaıda esikterdi avtomatty túrde qulyptaý fýnktsııasy ornatylady.
«Jaıly mektep» pılottyq ulttyq jobasynyń jalpy bıýdjeti – 2,6 trln teńge.
Respýblıkalyq bıýdjetten 1 trln 960 mlrd teńge, Ulttyq qordan 646 mlrd teńge bólindi.
