62 kelide elordalyq balýanǵa teń keler qarsylas bolmady
ASTANA. KAZINFORM — Astana qalasynyń sportshysy Irına Kýznetsova Almatyda ótip jatqan áıelder kúresinen Qazaqstan kýbogynyń jeńimpazy atandy. Bul týraly Astana qalasynyń ákimdigi málim etti.
62 keli salmaq dárejesindegi fınalda jerlesimiz Irına Kýznetsova Almaty oblysynyń ókili Tynys Dúbekpen bozkilemde beldesti.
Beldesýdiń alǵashqy kezeńinde Kýznetsova belden asyra laqtyrý ádisin sátti oryndap, birden 4 upaı enshiledi. Keıin taǵy bir upaı alyp, esepti 5:0-ge jetkizdi.
Ekinshi kezeńde de astanalyq balýan qarqynyn báseńdetken joq. 5:0 esebi tirkelgen sátte Kýznetsova qarsylasyn taza jeńip, kezdesýdi merziminen buryn aıaqtady.
Osylaısha, Irına Kýznetsova áıelder kúresinen Qazaqstan kýbogynyń altyn medalin jeńip aldy.
Aıta keteıik, Irına Kýznetsova — U23 Azııa chempıony.
Aıta keteıik, Qazaqstan kýbogynda grek-rım kúresinen jeńimpazdar men júldegerler anyqtaldy.
