61-shi Venetsııa bıennalesinde Qazaqstannyń Ulttyq pavılony ashyldy
ASTANA. KAZINFORM - Venetsııada La Biennale di Venezia 61-shi halyqaralyq óner kórmesi aıasynda Qazaqstannyń Ulttyq pavılony ashyldy. Іs-sharada elimiz zamanaýı óner tili arqyly rýhanııat, mádenı sabaqtastyq jáne tarıh taǵylymy sekildi taqyryptardy arqaý etken «Qoñyr: Tynyshtyq arhıvi» kórme jobasyn usynyp otyr.
Qazaqstannyń Ulttyq pavılony álemdik deńgeıdegi bedeldi kórmede QR Mádenıet jáne aqparat mınıstrliginiń qoldaýymen usynyldy.
Ashylý rásimine QR Mádenıet jáne aqparat vıtse-mınıstri Aıbek Sydyqov, Qazaqstan Respýblıkasynyń Italııa Respýblıkasyndaǵy, Malta Respýblıkasyndaǵy jáne San-Marıno Respýblıkasyndaǵy Tótenshe jáne Ókiletti Elshisi Erbolat Sembaev, Venetsııa bıennalesiniń prezıdenti Petrandjelo Býttafýoko, sondaı-aq Qazaqstan men Italııanyń shyǵarmashylyq zııaly qaýym ókilderi qatysty.
Aıbek Sydyqov Venetsııa bıennalesiniń mádenıetter arasyndaǵy dıalogty nyǵaıtýǵa yqpal etetin álemdegi eń mańyzdy mádenı alańdardyń biri ekenin atap ótti.
– Qazaqstan úshin Bıennalege qatysý – mádenıetterdiń kópdaýysty dıalogyna óz únin qosý múmkindigi. Bizdiń zamanaýı ónerimiz dástúr men jańashyldyqtyń toǵysynda damyp keledi. Onda tarıhı mura men dala mádenıetiniń kody jańa kórkemdik tájirıbeler arqyly jańasha sıpat alýda. Qazaqstan pavılony mazmundy dıalog alańyna, shabyt kózine jáne árbir kelýshi janyna jaqyn keńistikke aınalady dep senemiz, – dedi vıtse-mınıstr.
Museo Storico Navale mýzeıiniń ózara sabaqtas bes zalynda ornalasqan ekspozıtsııa dybys, keńistik jáne vızýaldy obrazdar arqyly óriletin ımmersıvti saıahat retinde qurylǵan.
«Qoñyr: Tynyshtyq arhıvi» jobasynyń kýratory – Syrlybek Bekbota. Onyń jumysyna kompozıtor Ábiken Hasenovtiń dástúrli qazaq kúıi Qoñyr shabyt bergen. Ekspozıtsııa bıennaleniń negizgi taqyryby – In Minor Keys uǵymymen tikeleı úndesip, Qoñyr uǵymyn jadynyń, ishki áýezdiń jáne mádenı tájirıbeniń metaforasy retinde ashady.
Smaıyl Baıalıev, Aqmaral Mergen, Gúlmaral Tátibaı jáne Natalıa Lıgaıdyń Steppe Architectonics atty týyndysy – alyp jylqy músinderi, tuıaq dúbiri men dala shóbiniń ıisi arqyly kórme keńistigin kózge kórinetin ári sezimmen qabyldanatyn landshaftqa aınaldyrady.
Mansur Smaǵambetov, Oralbek Qabóke jáne Nurbol Nurahmettiń ekspozıtsııalary da taqyrypty odan ári tereńdete túsedi. Dybys, obekt jáne ınstallıatsııa arqyly sýretshiler jadynyń kúndelikti ómirde qalaı saqtalyp, qalaı jalǵasatynyn kórsetedi.
Sonymen qatar Anar Áýbákirdiń Matrix of a New Subject atty jumysy da usynylǵan. Onda túıe júninen toqylǵan eski kórpeniń ishki qabaty kórkem nysan ári urpaqtar sabaqtastyǵynyń únsiz arhıvi retinde qaıta paıymdalǵan.
Ekspozıtsııalyq baǵyt Ardaq Muqanovanyń Qoñyr Äulie: Immersion into the Quiet Depths atty tsıfrlyq týyndysymen túıindeledi. Bul – jaryq pen mıf tikeleı baıan emes, kerisinshe, ishki túısik deńgeıinde qabyldanatyn kıeli keńistikke boılaý.
– Qazaqstan óneri de Qazaqstannyń ózi sekildi tól tarıhy men mádenı bolmysyna arqa súıeı otyryp, bolashaqqa umtylady jáne qazirgi zamanǵy kórkemdik baǵyttardy tabıǵı túrde beıneleıdi. Meni ásirese jady taqyrybymen baılanysy qyzyqtyrdy. Ónerdiń óziniń biregeı kórkemdik únin saqtaı otyryp, belgili bir deńgeıde arhıvke aınala alýy aıryqsha áser qaldyrdy. Bul rýhanı izdenisten, ishki tolǵanystan, sondaı-aq poezııa men mýzykany kórkemdik paıymnyń negizgi quraldary retinde tańdaýdan kórinis tabady, – dedi Petrandjelo Býttafýoko.
Aıta keteıik, bıyl joba Ulttyq pavılondy daıyndaý isinde jańa kezeńge jol ashty. Qazaqstan alǵash ret kýrator men sýretshilerdi ashyq konkýrs arqyly anyqtady. Іrikteý eki kezeńnen – usynylǵan materıaldarǵa saraptamalyq baǵa berý jáne fınalıstermen onlaın-suhbat ótkizýden turdy.
Jobanyń bas seriktesi – «Samuryq-Qazyna» AQ. Kompanııa zamanaýı qazaqstandyq ónerdi álemdegi negizgi halyqaralyq mádenı alańdardyń birinde tanystyrýǵa qoldaý kórsetti.
Qazaqstan pavılonyn 2026 jylǵy 9 mamyr men 22 qarasha aralyǵynda 61-shi Venetsııa óner bıennalesi aıasynda Museo Storico Navale mýzeıinde tamashalaýǵa bolady.
Aıta keteıik, Bakýde «Study in Kazakhstan» halyqaralyq bilim berý kórmesi ótti.
