600 myńnan astam qazaqstandyq zeınetaqy jınaǵynyń kómegimen baspana máselesin sheshti

NUR-SULTAN. QazAqparat – Qazaqstannyń 273 myńnan astam azamaty zeınetaqy qoryndaǵy jınaqty qoldana otyryp baspana satyp aldy. Bul týraly «Otbasy bank» AQ-nyń basqarma tóraǵasy Lázzat Ibragımova málim etti, dep habarlaıdy QazAqparat tilshisi.

«20 mamyrdaǵy málimetke sáıkes, 273 396 adam zeınetaqy qoryndaǵy jınaqty qoldana otyryp turǵyn úı satyp aldy. 169 158 adam zeınetaqy jınaǵyn «Otbasy bankindegi» depozıtine aýdardy. Atalǵan azamattar depozıtti odan ári toltyra otyryp, aldaǵy ýaqytta baspanaǵa qol jetkizbek. Sonymen qatar 90 880 klıent ıpotekalyq zaımdaryn tolyqtaı nemese jekeleı ótedi. Bul sanattaǵy azamattar da bereshegin zeınetaqy jınaǵynyń kómegimen ótep otyr»,- dedi Lázzat Ibragımova Ortalyq kommýnıkatsııalar qyzmeti alańynda ótken baspasóz máslıhatynda.

Joǵaryda atalǵan málimetter tek «Otbasy bankine» qatysty.

«Odan bólek, 52 651 qazaqstandyq bizdiń bank arqyly basqa bankterdegi turǵyn úı ıpotekasyn merziminen buryn nemese jekeleı japty. Biz barlyq bankpen kelisimge qol qoıǵanbyz. Osylaısha 600 myńnan astam azamat zeınetaqy jınaǵyn qoldana otyryp baspana máselesin sheshti», - deıdi ol.

Buǵan deıin atalǵan vedomstvo basshysy 3 myń qazaqstandyqqa jaldamaly baspana úshin sýbsıdııa berý maquldanǵanyn aıtty.

Búginde elimizde 608 myńnan astam azamat baspanaǵa muqtaj.