600 myńnan astam qazaqstandyq «Aýrýhanaǵa jatqyzý bıýrosy» portalynyń qyzmetin paıdalandy
ASTANA. 19 qyrkúıek. QazAqparat - Qazaqstanda patsıentke baǵyttalǵan jáne medıtsınalyq qyzmet kórsteý sapasyn jaqsartýǵa arnalǵan Biryńǵaı ulttyq densaýlyq saqtaý júıesi engizilýde.
Júıeniń bir bóligi bolyp tabylatyn «Aýrýhanaǵa jatqyzý bıýrosy» portaly statsıonar, emhana jáne patsıent arasyndaǵy ortalyqtandyrylǵan ózara árekettestikti qamtamasyz etedi. Osylaısha, ústimizdegi jyldyń 8 aıy ishinde 600 myńnan astam qazaqstandyq atalǵan portaldyń qyzmetin paıdalanǵan, dep habarlady pm.kz saıty.
«Respýblıkalyq densaýlyqty damytý ortalyǵynyń» málimetterine qaraǵanda, 2012 jyldyń 8 aıy ishinde portaldyń qyzmetin paıdalanǵan adam sany 21 myńǵa artyp, 614 myń adamdy quraǵan.
Joldama berilgen naýqastardyń jalpy sanynyń 87,8 paıyzy josparlyq tártipte aýrýhanaǵa jatqyzylǵan. Bul ótken jylǵy kórsetkishten 4,1 paıyz artyq.
Josparly tártipte aýrýhanaǵa jatqyzylǵan aýyl turǵyndarynyń sany - 44,8 paıyzdy quraıdy, bul ótken jylǵa qaraǵanda 2,4 paıyzǵa artyq.
RDSO málimetterine qaraǵanda, 84,9 paıyzdan astam qazaqstandyqtar óz óńirlerindegi klınıkalardyń qyzmetin paıdalanǵan, respýblıkalyq deńgeıdegi klınıkalardy patsıentterdiń 13,4 paıyzy tańdaǵan.
Óńirlik klınıkalardy tańdaýshylar sanynyń artýy oblystyq statsıonarlarda kórsetiletin medıtsınalyq qyzmettiń sapasy jaqsaryp, medıtsına qyzmetkerleriniń biliktiligi artyp kele jatqanyn kórsetedi.
Biryńǵaı ulttyq densaýlyq saqtaý júıesiniń bir bilshegi retindegi «Aýrýhanaǵa jatqyzý bıýrosy» portalynyń engizilýi medıtsına qyzmetiniń ashyqtyǵy men qoljetimdiligin qamtamasyz etedi, sondaı-aq naýqastar aǵyny týraly aqparatty shoǵyrlandyryp, osy málimetterdi qurylymdyq basqarýdy qamtamasyz etedi.
