600 myń gektar sýarmaly jer qalpyna keltiriledi – Ekologııa mınıstri
NUR-SULTAN. QazAqparat – Bes jyl ishinde 600 myń gektar sýarmaly jerdi qalpyna keltirý jónindegi jumystar jalǵastyrylady. Bul týraly Úkimet otyrysynda kanaldar men sý qoımalaryn salýdy talqylaý kezinde QR Ekologııa, geologııa jáne tabıǵı resýrstar mınıstri Serikqalı Brekeshev málim etti, dep habarlaıdy QazAqparat tilshisi.
«Memleket basshysy Qasym-Jomart Kemeluly Toqaevtyń tapsyrmasyna sáıkes, biz 2030 jylǵa deıin sýarmaly jer kólemin 3 mıllıon gektarǵa deıin jetkizýimiz qajet. Sýarmaly eginshilik negizgi sý tutynýshy bolyp otyrǵanyn aıta ketý kerek. Búgingi tańda sýarmaly jerlerdiń alańy 1,6 mıllıon gektardy qurady. Bes jyl ishinde 600 myń gektar sýarmaly jerdi qalpyna keltirý jónindegi jumystar jalǵastyrylady. Osylaısha, sýarmaly jerlerdiń alańy 2,2 mıllıon gektarǵa deıin jetkiziletin bolady», - dedi S. Brekeshev.
Onyń aıtýynsha, budan ári 2025-2030 jyldar aralyǵynda 800 myń gektar sýarmaly jer aınalymǵa engiziletin bolady.
«Sýarmaly eginshiliktiń aǵymdaǵy jaı-kúıi týraly qysqasha baıandap óteıin. Sý tartýdyń barlyǵyn alatyn bolsaq 12,1 tekshe kılometr turaqty sýarýǵa keledi. Onyń ishinde 11,8 tekshe kılometr 4 ońtústik oblysqa tıesili: 1,25 mln gektar sýarmaly alańy bar Almaty, Jambyl, Túrkistan jáne Qyzylorda oblystary qamtylǵan. ıAǵnı, bul sýarýǵa arnalǵan sý tartýdyń 97% paıyzy jáne el boıynsha barlyq sýarmaly alańnyń 78% paıyzy. Bul rette, osy jylǵy 1 qańtardaǵy jaǵdaı boıynsha sý únemdeý tehnologııalarymen qamtylǵan alań respýblıka boıynsha 248 myń gektardy qurady. Onyń ishinde ońtústik óńirde 1,25 mln gektardyń tek 5,4 paıyzy nemese 67,7 myń gektary ǵana engizilgen», - dedi mınıstr.
