600 myńnan asa qazaqstandyq demalysyn Ózbekstanda ótkizdi

TAShKENT. KAZINFORM — Bıyl qańtar-sáýir aılary aralyǵynda Ózbekstanǵa 3,1 mıllıonnan astam sheteldik týrıst keldi, bul ótken jyldyń sáıkes kezińimen salystyrǵanda 46,4%-ǵa kóp, dep habarlaıdy Kazinform agenttiginiń menshikti tilshisi.

Ózbekstannyń Ulttyq statıstıka komıtetiniń ókilderi málim etkendeı, elge saıahattap kelgen sheteldikterdiń kóbi — Qyrǵyzstan (942,2 myń adam) men Tájikstan (793,9 myń adam) azamattary.

Bul rette úshtikti Qazaqstan túıindeıdi. Bıyl qańtar-sáýir aralyǵynda 617 myńnan asa qazaqstandyq demalysyn Ózbekstanda ótkizgen.

Týrısterdiń kóbi Tashkent, Samarqand, Buhara jáne Hıýa qalalarynyń kórikti jerlerine saıahattaǵan.

Eske salaıyq, 2024 jyly Ózbekstan 2,2 mln qazaqstandyq saıahatshyny qabyldaýdy josparlaǵan edi. Degenmen byltyr 11 aıda elge 1,3 mıllıonnan astam qazaqstandyq týrıst kelgen.