600-ge jýyq kókónis qoımasy statıstıkada joq – QR Saýda jáne ıntegratsııa mınıstrligi
Ótken jyly Memleket basshysy qolda bar azyq-túlik qorlary týraly túsiniktiń bolmaýy jáne sonyń saldarynan ishki naryqty qorǵaý jóninde obektıvti sheshimder qabyldaý jónindegi jaǵdaıdyń aýyrlyǵyn atap ótken bolatyn.
«Aýmaqtyq saýda departamentteri ákimshilikpen birlesip, Ulttyq statıstıka bıýrosy esepke almaǵan kókónisterdi saqtaýǵa arnalǵan 593 nysandy anyqtady. Qazir olardy esepke qoıý máselesin pysyqtap jatyrmyz», - dedi Aıdar Ábildabekov alqa otyrysynda.
2023 jyldyń basynan bastap Saýda komıtetiniń tóraǵalyǵymen óńirlik komıssııalardyń 995 otyrysy ótkizildi, onyń qorytyndysy boıynsha 298 ónimsiz deldaldar jáne saýda ústemesin asyrý faktileri anyqtaldy.
«Ótkizilgen otyrystardyń sany anyqtalǵan buzýshylyqtardan 3 ese kóp. Bul óńirlerdegi deldaldyq shemalardy tergeýge óńirlik komıssııalardyń álsiz, ári ústirt jumysyn kórsetedi», - dedi Aıdar Ábildabekov keńeıtilgen otyrysta.
Komıtet tóraǵasynyń aıtýynsha, SIM ákimdikterden bergen QR Saýda qyzmetin retteý týraly zańnamasynyń saqtalýyna memlekettik baqylaý júrgizý quzyreti bıylǵy 27 sáýirden bastap ákimdikterden SIM-ge berilgen bolatyn, al ony tikeleı aýmaqtyq departamentter iske asyra bastady. Sol ýaqyttan bastap 233 ákimshilik is qozǵaldy, onyń ishinde 172-si saýda ústemesin asyrǵany úshin, 61-i taýarlarǵa ártúrli baǵalardy qoldanǵany úshin.
