600-ge jýyq shara: Qyrǵyzstanda Kóshpendiler oıyndaryna daıyndyq qyzý júrip jatyr

Qazir halyqaralyq sharaǵa qatysýshylar men qonaqtardy qabyldaýǵa arnalǵan ınfraqurylym birden alty negizgi nysanda ázirlenip jatyr. Bul týraly «Kabar» agenttigine Qyrǵyzstan Mádenıet, aqparat jáne jastar saıasaty mınıstrliginiń baspasóz hatshysy Ýrmat Maırambek ýýlý málimdedi.

Onyń aıtýynsha, bıyl Dúnıejúzilik kóshpendiler oıyndaryna keletin qonaqtardyń qarasy qalyń bolady dep kútilýde. Sondyqtan daıyndyq kezinde negizgi nysandarmen qatar, sanıtarlyq aımaqtardy uıymdastyrýdan bastap kelýshilerdiń qozǵalysyna deıingi barlyq usaq-túıekke de mán berilip otyr.

— Bıyl VI Dúnıejúzilik kóshpendiler oıyndaryna keletin qonaqtardyń sany kóp bolatynyn túsinemiz. Sondyqtan árbir elementke, árbir qonaqqa nazar aýdaryp, barynsha qolaıly jaǵdaı jasaýǵa tyrysyp jatyrmyz, — dedi ol.

«Qurmanjan datqa» — kóshpendiler órkenıetiniń ortalyǵy

Negizgi nysandardyń biri — Ornok aýylynda ornalasqan Qurmanjan datka atyndaǵy Kóshpendiler órkenıeti ortalyǵy. Munda Art-Lab jáne ǵylymı konferentsııalar uıymdastyrylady.

Ýrmat Maırambek ýýlynyń aıtýynsha, qazir nysandaǵy ınfraqurylymdyq jumystar aıaqtalýǵa jaqyn. Qajetti nysandardyń qurylysy, onyń ishinde qosymsha sanıtarlyq aımaqtardy jasaý jumystary aıaqtalyp keledi.

— Infraqurylymnan bastap qonaqtarǵa jasalatyn jaǵdaıǵa deıin árbir elementti qarastyryp jatyrmyz. Munda daıyndyq jumystary óte jaqsy júrip jatyr, negizgi qurylys jumystary aıaqtalýǵa jaqyn, — dedi ol.

«Rýh Ordo» ortalyǵynda túrli halyqtardyń mýzykalyq murasy tanystyrylady

Ekinshi nysan — Shyńǵys Aıtmatov atyndaǵy «Rýh Ordo» mádenı ortalyǵy. Munda dástúrli mýzykalyq aspaptar men vokaldyq óner baıqaýlary ótedi.

Uıymdastyrýshylar 60-80 eldiń ókilderi qatysady dep kútýde. Qatysýshylar óz halyqtarynyń ulttyq mýzykalyq aspaptaryn tanystyryp, oryndaýshylyq jáne ánshilik ónerin kórsetedi.

Qazir nysanda sahna men dekoratsııalardy daıyndaý jumystary júrgizilip jatyr. Sondaı-aq aýmaqqa kireberisten bastap shyǵatyn jerge deıin kelýshilerge qolaıly jaǵdaı jasaýǵa kóńil bólingen.

Cholpon-Ata ıppodromynda «Kóshpendiler úni» baıqaýy ótedi

Úshinshi negizgi nysan — Cholpon-Ata qalasyndaǵy ıppodrom. Úlken arenada ózindik ereksheligi bar daýystarymen tanylǵan ánshiler qatysatyn «Kóshpendiler úni» baıqaýy ótedi.

Qyrǵyzstan atynan da irikteý kezeńderinen ótken ónerpazdar qatysady.

Qazir ıppodromdaǵy negizgi jóndeý jumystary aıaqtalǵan. Atap aıtqanda, kórermenderge qolaıly jaǵdaı jasaý úshin kireberis aımaqtary men oryndar jańartylyp jatyr.

Kókpar men kókbórige 10 myń kórermenge arnalǵan trıbýna ornatyldy

Cholpon-Ata ıppodromynyń janynda taǵy bir jańa nysan ornalasqan. Munda 10 myń kórermenge arnalǵan jyljymaly trıbýna ornatyldy. Ony Mádenıet mınıstrligi Prezıdent Sadyr Japarovtyń qoldaýymen satyp alǵan.

Bul alańda kókbóri jáne kókpar jarystary ótedi.

Ýrmat Maırambek ýýlynyń aıtýynsha, jańa trıbýna kórermenderge jarystardy áldeqaıda jaqynnan tamashalaýǵa múmkindik beredi.

— Buǵan deıin ıppodromda kórermender kókbóri men kókpardy 100-150 metr qashyqtyqtan tamashalaıtyn. Endi jyljymaly trıbýnanyń arqasynda jarysty shamamen 10 metr jerden kóre alady, — dedi ol.

Nysandarda qaýipsizdikti qamtamasyz etý úshin quqyq qorǵaý organdarynyń jumysy kúsheıtildi. Іs-sharalarǵa Іshki ister mınıstrliginiń eldiń barlyq óńirinen qyzmetkerleri tartylady.

Bosterıde etno-sán kórsetilimi ótedi

Besinshi nysan — Bosterı aýylyndaǵy «Dordoı Nomad» amfıteatry. Munda etnıkalyq sán baıqaýy uıymdastyrylady.

Oǵan 80-100 eldiń ókilderi qatysady dep kútilýde. Qazir amfıteatrda ınfraqurylymdy beıimdeý jáne jańartý jumystary júrgizilip jatyr.

Qyrchyn etno-bazar men etno-as úıge daıyndalyp jatyr

Oıyndardyń eń aýqymdy alańy — Qyrchyn jaılaýy. Munda eki úlken taqyryptyq qalashyqtyń qurylysy aıaqtalýǵa jaqyn.

Birinshisi — etno-bazar. Munda kásipkerler qonaqtarǵa kádesyılar, ulttyq qolóner buıymdary jáne basqa da qoldan jasalǵan ónimderdi usynady.

Ekinshisi — etno-as úı. Munda tanymal qyrǵyz meıramhanalary men ulttyq taǵam daıyndaýshylar ornalasyp, sheberlik sabaqtaryn ótkizip, qonaqtardy ulttyq taǵam ázirleý dástúrimen tanystyrady.

Sonymen qatar Qyrchyn aýmaǵynda kıiz úıler tigilip, Qyrǵyzstannyń jeti oblysy ózderiniń ordolaryn ornalastyrady. Ártúrli uıymdar da óz ordolaryn tanystyrady.

Jalpy alty kún ishinde alty negizgi nysanda 600-ge jýyq mádenı is-shara ótkizý josparlanǵan.

Osyǵan deıin Qyrǵyzstandaǵy Kóshpendiler oıyndaryna kórermenderdi 300 avtobýs tegin jetkizetinin jazǵanbyz.

Sonymen qatar, VI Dúnıejúzilik kóshpendiler oıyndaryna kirý quny belgili boldy.